الطريقة الصحيحة لفتح حساب اونلاين

تطور الخدمات البنكيه المصرفيه بالسودان

‏‎#بوست 🧵 :

طريقة فتح حساب بنكي اون لاين - Online في بنك الخرطوم (بنكك) بالخطوات وعشان يكون الموضوع مؤكد ومُجرب قبل اكتب الثريد وبالخطوات، الطريقة زبطت مع ناس كتيرة، وسجلت ليكم الطريقة بالخطوات، تابعوا التعليقات :

(تنبيه : إحذروا من الناس البقولوا ليك ح نفتح ليك حساب ورسل لينا بياناتك) اتبع التعليمات دي وسجّل حسابك براك. 👇

أولا🔴

‏المطلوب منكم قبل فتح الحساب تجهزوا الآتي :

- ايميل 

- رقمك الوطني كرقم وليس كمستند (مكتوب في الجواز برضو)

- رقم تلفون سواء في السودان او برة السودان 

- صورة شخصية محفوظة في جهازك 

- صورة من الجواز او الهوية الوطنية 

- ورقة فيها 3 توقيعات وبرضو تكون محفوظة في جهازك

- ثانيا :🟠

‏الخطوة التالية الدخول الى الرابط التالي :

eaccount.bankofkhartoum.com‎

حتفتح معاك الشاشة دي 

- كتابة الايميل واختيار (مستخدم جديد)

-

ثالثا :🟡

‏ التحقق العادي من الكاباتشا

‏رابعا : 🟢

ح تجي بعدها صفحة البيانات وكلها بيانات واضحة في حالة انت جهزت المستندات المكتوبة في الخطوة ١

خامسا : 🔵

‏- بعد تضغط على التالي حتجيك الصفحة دي وفيها تحمِّل صورتك الشخصية المحفوظة في جهازك وانا

سادسا : 🟣

‏- الضغط على التالي حتجيك رسالة OTP في الايميل الانت سجلته وأنا لقيت الرسالة في البريد غير المرغوب فيه فلو تأخرت الرسالة أكتر من دقيقة حتلقوها هناك وما تنسوا تطلعوا الرسالة للبريد الوارد عشان آخر رسالة تلقوها في الوارد .

سابعا : 🟤

‏- بعد تدخل الكود الجاك في الايميل حتمشي للصفحة دي وتملأ البيانات وتحمل صورة جواز السفر او الهوية وتحت في خيار كتابة رقم الوثيقة اما الجواز او الهوية .

وبرضو زبطت معاي بصيغة JPG

تاسعا : ⚪

‏- الخيار البعده انك تجيب ورقة وتوقع فيها 3 توقيعات بيدك علما انو التوقيع دا مهم فتوقيعك يكون بتاعك وتقدر تكتبه في أي وقت, وتحفظها في الجهاز بتاعك وترفقها وبرضو زبطت معاي بصيغة JPG .

عاشرا : 🔷

‏وبكدة تكون وصلنا لنهاية الطلب وتجيك الصفحة دي