القصة ما بس طيارة مسيرة.. القصة إنو السودان لسه ولّادة! 🇸🇩✈️
يا جماعة، شوفوا العظمة دي..
ابننا الشاب المهندس "المهتدي بالله الطاهر المرضي" (طالب الميكاترونيك في تركيا ونجل أستاذنا الإعلامي الطاهر المرضي)، قدّم للعالم حاجة تخلي الرأس مرفوع.
المهتدي ما صنع طيارة عادية، صنع "منظومة" كاملة:
✅ "متين 49 - بصمة السودان": طائرة حربية ذكية تضرب هدفها وترجع "براها" تشحن ذخيرة وتواصل!
✅ طائرة استطلاع للمراقبة والتأمين.
✅ وحتى في الطب، اخترع جهاز لتدفئة الأطراف للناس البيعانوا من البرد.
الولد ده لفت نظر وزير الدفاع التركي وقعد معاهو وشرح ليهو.. وهنا لازم نقيف ونفكر شوية!
⚠️ رسالة "مباشرة" للحكومة والمسؤولين:
يا جماعة، العقول دي هي "الدهب الحقيقي" بتاع السودان. إذا الدولة ما فتحت حضنها ليهم، ووفرت ليهم معامل وميزانيات ودعم حقيقي، غيرنا حيخطفهم ويستفيد منهم، وحنقعد نحن نتفرج عليهم في النشرات العالمية ونقول "ده سوداني"!
الاهتمام بالكادر البشري هو اللي بيحمي السودان، والشباب هم اللي بيبنوا النهضة.. ما تخلوا عيالنا يبدعوا بره لأنهم ما لقوا فرصة جوه. حافظوا على "المهتدي" وأمثاله قبل ما يستثمر فيهم غيرنا.
🛑 مبادرة من صفحتنا لكل مبدع:
أنا مدين ياسر، وعبر الصفحة دي، بفتح الباب لأي شاب سوداني عندو مشروع، فكرة، أو مبادرة جادة.
إيماناً مني بأن الحل بيبدأ من "عقولكم" أنتم، لا من وعود المسؤولين.. أنا معاكم:
📍 حنسلط الضوء على مشاريعكم.
📍 حنعرف الناس بإبداعكم.
📍 وحنكسر حاجز الإحباط عشان نوقف "التهجير" اللي بيسحب عقولنا لبره.
السودان ده حقنا، وبنبنيهو بأفكارنا.. لو عندك فكرة أو مشروع (صغير أو كبير) تواصل معاي فوراً وخلي صوتك يوصل.
كل التوفيق لـ "المهتدي بالله" ودائماً السودان فوق. 🇸🇩✌️
#مدين_ياسر #السودان
تعليقات
إرسال تعليق